Article -  tek atliq so'zlerdin' aldinda keledi. For example: a man, a desk, an apple, the Aral Sea.

     Artikl ekige bo'linedi: belgisiz (indefinite article) ha'm belgili (definite article). Belgisiz artikl: a, an. Belgili artikl: the.

           1.  Belgisiz artikl a, an - "one" so'zinen kelip shiqqan bolip, olar tek birlik sanda qollaniladi ha'm qaraqalpaq tiline "qanday da bir" degen ma'nisti beredi: a book - (qanday da bir) kitap, an apple - (qanday da bir) alma.

               Belgisiz artikl a, an - so'ylewshige ha'm tin'lawshig'a belgisiz bolg'an atliq so'zlerdin' aldinda keledi. A - dawissiz seslerdin' aldinda, an - dawisli seslerdin' aldinda. For example: a boy, an iron, an ice cream.

            2.   Belgili artikl the - "that", "this" (anaw, minaw, sol) so'zlerinen kelip shiqqan, ol so'ylewshige ha'm tin'lawshig'a belgili atliq so'zlerdin' aldinda qollaniladi: the books, the book, the chair, the bus.

Doslar, keyingi sabaqlardi da a'lbette, ha'r ku'ni qosip baraman. Biz O'zbekstan jaslari ba'rshe tildi puqta u'yreneyik! Sebebi, "til bilgen el biledi", solay emes pe?